Што такое Курс «Эстэра»?
Эстэра – гэта імя жанчыны, якой Бог паслужыўся для выбаўлення ад смерці ўсяго ізраільскага народа. У руках Божых Эстэра нечакана аказалася больш карыснай за мужчынаў Выбранага Народа. Гэтая гераічная і цудоўная гісторыя знайшла сваё месца сярод кніг Старога Запавету і апісана ў «Кнізе Эстэры». Такім чынам, Эстэра для многіх вернікаў стала сімвалам прыгажосці, мужнасці і веры жанчыны.
Існуе шмат выказванняў пра таямніцу жаночага характару, яе паводзінаў. Часта даводзіцца чуць, што жанчыну ніхто не можа зразумець. Але праблема яшчэ і ў тым, што жанчына часта сама сябе не можа зразумець. Менавіта таму грамадства з лёгкасцю можа маніпуляваць жанчынай, надаючы ёй мужчынскія ролі.
Курс «Эстэра» – гэта рэкалекцыі для жанчын. Паколькі ў гісторыі месца жанчыны часта вызначалася паміж крайнасцямі (ад адсутнасці ўсялякай пашаны – да фемінізму), то курс накіраваны найперш на адкрыццё паклікання жанчыны як жанчыны, як жонкі, як маці.
Курс праводзіць свецкая асоба разам са святаром.
ПЛАН КУРСА «ЭСТЭРА»
ПЯТНІЦА
18.00 Святая Імша
19.00 Вячэра
20.00 Знаёмства, канферэнцыя 1
21.00 Падрыхтоўка Слова
21.30 Адарацыя, споведзь
СУБОТА
8.00 Разважанне над Словам
8.45 Сняданне
9.30 Ранішняя малітва
10.00 Канферэнцыя 2
11.00 Кава
11.30 Канферэнцыя 3
12.45 Святая Імша
14.00 Абед
15.00 Адарацыя, споведзь
16.45 Канферэнцыя 4
18.00 Групка дзялення
19.00 Вячэра
20.00 Падрыхтоўка Слова
21.00 Адарацыя
НЯДЗЕЛЯ
8.00 Сняданне
9.00 Святая Імша
11.15 Канферэнцыя 5
12.15 Сведчанні
13.00 Абед
Па тэме:
Удзельніца курса «Эстэра» ў Оршы: «Я хацела замуж, а цяпер хачу быць жонкай»